您所在的位置: 主页 > 奇趣定义 >《容易受伤的男人 >

《容易受伤的男人

《原创文章 欢迎转载 请列明出处 谢谢》-请支持蓝狮 Facebook专页-《容易受伤的男人 按此观看图片 对上一篇关于路夫斯捷克嘅文章都经已数到上年十月嘅事,当时仲怕佢会因为得唔到上阵机会而再一次以外借身份离开史丹福桥,而事隔五个月后包括经历埋冬季转会窗,路夫斯捷克不单止无离到队,更重要嘅係成功喺正选与后备之间抢到一席位,其实佢的确具备打正选嘅质素,但始终敌不过球员嘅最大敌人,伤患...路夫斯捷克8岁加入车路士青训体系,望住对上一个能够由青年军打到上一队仲做埋正选,成为一个真真正正嘅「蓝血人」就只係得泰利一个,而「龙虎切」亦心明哩个道理,只好一直等待机会嘅来临,直到摩连奴二次回归史丹福桥后,路夫斯捷克终于得到第一个为一队上阵嘅机会。老实讲係人都知摩连奴并唔係一个善用青训资源嘅领队,但由于当时车路士中场人手捉襟见肘,就算係迫于无奈都一定要提拔青年军上嚟,亦因为咁造就咗路夫斯捷克嘅出现。当时佢嘅位置为中场中,主要担任法比加斯嘅替补,之后干地执教时尝试将路夫斯捷克定位为翼锋(影子前锋),效果又出奇地有惊喜,英格兰人身材高大得嚟喺推进方面嘅速度唔慢,加上控球能力不俗,而且能够利用个人技术一个过几个,位置上嘅多面性的确能够令佢获得更多嘅上阵时间。与此同时,外借到水晶宫嘅时间亦有机会睇到路夫斯捷克具备立足于英超嘅能力,至少依加真係无乜后生仔肯同你付出时间外借到英超中下游去証明自己,多数都係一嚟就呻要正选,无的话二话不说就要走,所以哩点绝对值得欣赏。而今季喺沙利手下,路夫斯捷克都总算得到唔少上阵时间,但如果唔係佢嘅背伤一直断断续续未能根治,相信「龙虎切」所得到嘅机会什至会比巴克利多,其实喺沙利嘅战术体系再加上近期状态,路夫斯捷克能力上会比巴克利全面,理应前者先係正选,而两者近日亦同时入选修夫基新一轮英格兰大军名单,但路夫斯捷克最终都因为伤患而决定退选。球员近日亦有表示自己尝试利用瑜伽改善背伤问题,总算自己都希望能够根治有关伤患。容易受伤的男人,实在唔想再见到有球员因为伤患而耽误前程。文章最后更新时间 : 20/3/2019 15:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇:
下一篇:

(☆_☆)或许您对这些相关文章感兴趣: